Türkiyədə daha bir KORRUPSİYA ƏMƏLİYYATI: 100 nəfər həbs olunacaq
Türkiyənin İzmir Cümhuriyyət Prokurorluğunun təlimatı əsasında korrupsiya, tenderlərdə qanunsuzluq ittihamı ilə yeni həbslər həyata keçirilib. İzmir Cümhuriyyət Prokurorluğu tərəfindən aparılan cinayət işi çərçivəsində bu gün səhər tezdən İzmir, İstanbul, Ankara, Van və Hatayda 25 nəfər saxlanılıb. Onların arasında Dənizçilik, Nəqliyyat və Kommunikasiya Nazirliyinin tabeliyində olan İzmir və İskəndərun limanlarının rəhbərləri, eyni nazirliyin Dövlət Dəmir Yolları İdarəsinin sabiq və indiki məmurları, iş adamları da var. Polis Dövlət Dəmir Yollarının Ankaradakı Baş İdarəsinin binasında axtarış aparıb.
Dənizçilik, nəqliyyat və kommunikasiya naziri vəzifəsindən ayrılaraq AKP-dən İzmir böyük şəhər bələdiyyə başqanlığına namizədliyini irəli sürən Binəli Yıldırım olaya münasibət bildirib. O, əməliyyatın məhz indi – seçki ərəfəsində həyata keçirilməsinin diqqəti cəlb etdiyini söyləyib. Bəzi xəbərlərə görə, Binəli Yıldırımın bacanağı da həbs olunacaq. O, hazırda polis tərəfindən axtarılır. Əməliyyat çərçivəsində saxlanılanların ümumi sayının 100-ə çatacağı bildirilir.
Apa.tv
OXŞAR XƏBƏRLƏR
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
Rusiyadan Ermənistana Azərbaycan üzərindən növbəti yük göndərilib
Niderlanda yeni səfir təyin edildi
Prezident İlham Əliyev Corciya Melonini təbrik edib
