Təşkilat Komitəsi: Zara Bakıya gələcək - AÇIQLAMA
Bakıda keçiriləcək “Jara” beynəlxalq musiqi festivalının Təşkilat Komitəsi Rusiyanın əməkdar artisti, müğənni Zaranın Azərbaycana səfəri ilə bağlı açıqlama yayıb.
APA TV-nin məlumatına görə, qurumun adından yayılan açıqlamada sivilizasiyalararası dialoqun Azərbaycanın yeritdiyi siyasətin əsas komponentlərindən olduğu bildirilib.
Təşkilat Komitəsinin açıqlamasında vurğulanıb ki, 3-cü dəfə ölkəmizdə təşkil olunan və iyulun 26-dan 29-na kimi davam edəcək "Jara" Beynəlxalq Musiqi Festivalı çərçivəsində paytaxtımızda fərqli millətlərin nümayəndələri olan müğənniləri qəbul edir: “Son günlər ölkəmizə planlaşdırılan səfəri çoxsaylı müzakirələrə səbəb olan kürd əsilli müğənni Zaraya gəlincə, onun özü paytaxtımıza gələrək ölkənin qədim mədəniyyəti, zəngin tarixi və adət-ənənələri ilə tanış olmaq niyyətini bəyan edib. Tolerant və qonaqpərvər millətin nümayəndəsi olaraq biz də ona "Jara - 2018" Beynəlxalq Musiqi Festivalında iştirak etmək fürsətini yaratdıq".
Qeyd edək ki, bir neçə gündür Azərbaycan ictimaiyyəti erməni-kürd əsilli olduğu bildirilən rusiyalı müğənni Zara Mqoyanın sözügedən festivala qatılıb-qatılmayacağını müzakirə edir. Təşkilatçı qurumun açıqlaması məhz bu narahatlığa cavabdır.
Apa.tv
OXŞAR XƏBƏRLƏR
Prezident: Paytaxtı Şərqi Qüds olan Fələstin dövlətini dəstəkləyirik
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
Elektron siqaret, sığorta, qumar: Milli Məclisdən yeni qanun layihələri
Şuşada IV Qlobal Media Forumu öz işinə başladı
