ATƏT Tovuzda monitorinq keçirdi
ATƏT-in fəaliyyətdə olan sədrinin şəxsi mandatına uyğun olaraq bu gün Azərbaycan və Ermənistan dövlət sərhədinin Tovuz rayonu istiqamətində növbəti monitorinq keçirilib.
APA TV-nin qərb bürosunun məlumatına görə, monitorinqi Azərbaycan tərəfindən ATƏT-in fəaliyyətdə olan sədrinin şəxsi nümayəndəsinin səhra köməkçiləri Gennadi Petrika və Martin Şuşter keçirib.
Onlar monitorinqdən əvvəl Tovuz rayon İcra Hakimiyyətinin başçısı Məmməd Məmmədovla görüşüblər. ATƏT nümayəndələrinə rayonun sərhəd kəndlərindəki vəziyyət barədə məlumat verilib.
Daha sonra ATƏT nümayəndələri Tovuzun Ağdam kəndində monitorinq aparmaq üçün həmin əraziyə yol düşüblər. Məlumata görə, Ermənistan tərəfindən monitorinqi şəxsi nümayəndənin səhra köməkçiləri Oqnyen Yovçi, Mixail Olaru və Saymon Tiller keçirib.
Azərbaycan Müdafiə Nazirliyinin yaydığı məlumata görə, monitorinq insidentsiz başa çatıb.
Apa.tv
OXŞAR XƏBƏRLƏR
Prezident: Paytaxtı Şərqi Qüds olan Fələstin dövlətini dəstəkləyirik
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
Elektron siqaret, sığorta, qumar: Milli Məclisdən yeni qanun layihələri
Şuşada IV Qlobal Media Forumu öz işinə başladı
