Göyçayda “Surxay qalası” adlanan dağlıq ərazidə yanğın olub - AĞACLAR YANIB
Göyçayda “Surxay qalası” adlanan ərazidə yanğın olub, nəticədə ağaclar və ot sahəsi yanıb. APA TV-nin yerli bürosunun xəbərinə görə, hadisə ötən gün axşam saat 21:00 radələrində rayonun Ərəbcəbirli və Mirzəhüseynli kəndləri arasındakı dağlıq ərazidə başlayıb.
Yanğının söndürülməsi üçün əraziyə FHN-in Göyçay və Ağdaş Dövlət Yanğından Mühafizə Hissəsinin canlı qüvvə və texnikası, həmçinin meşə mühafizəçiləri cəlb edilib. Hadisə zamanı 2 hektar ərazidə xırda ağaclar, quru ot və kol-kos yanıb.
Yanğınsöndürənlər irigövdəli ağaclardan ibarət meşə sahəsini, qazpaylayıcı stansiyanı, 330 və 500 kilovatlıq birinci və ikinci Abşeron elektrik hava xətlərini alovdan mühafizə edib.
Hadisənin hansı səbəbdən baş verdiyi hələ ki məlum deyil. Faktla bağlı araşdırma aparılır.
Apa.tv
OXŞAR XƏBƏRLƏR
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
Prezident: Paytaxtı Şərqi Qüds olan Fələstin dövlətini dəstəkləyirik
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
