Fransa 2-ci dəfə Dünya Çempionu oldu
Rusiyada keçirilən futbol üzrə Dünya Çempionatının qalibi Fransa komandası olub. APA TV-nin verdiyi məlumata görə, turnirin final matçının keçirildiyi "Lujniki" stadionunda üz-üzə gələn Fransa və Xorvatiya milli komandalarının oyununda hesab fransızların xeyirinə açılıb.
Daha dəqiq desək, matçın 18-ci dəqiqəsində xorvat Mancukiç avtoqolla rəqibi sevindirib. Hesabda geri düşən Xorvatiya yığması 10 dəqiqə sonra, 28-ci dəqiqədə Perişiçin zərbəsilə hesabı bərabərləşdirib.
Daha bir 10 dəqiqə sonra qol vurulub. Bu dəfə də xorvatlar səhvə yol verib və 38-ci dəqiqədə fransızlar yenidən hesabda önə keçiblər. Qrizman əllə oyuna görə təyin olunmuş penaltini dəqiqliklə yerinə yetirib.
Fasiləyə Fransa yığması 2-1 hesabla qalib yollanıb.
Matçın ikinci hissəsində, 59-cu dəqiqədə Poqba hesab fərqini ikiyə qaldırıb. 65-ci dəqiqədə fransızlar Mbappenin qolu ilə hesabı 4-1 edib. 69-cu dəqiqədə Xorvatlar hesab fərqini 2 topa endiriblər. Bu dəfə Mancukiç rəqib qapısını düzgün nişan ala bilib.
Final qarşılaşması elə bu hesabla da bitib. Beləliklə, Fransa 20 ildən sonra yenidən Dünya Çempionu titulunu qazanıb.
Apa.tv
OXŞAR XƏBƏRLƏR
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
Prezident: Paytaxtı Şərqi Qüds olan Fələstin dövlətini dəstəkləyirik
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
