Şəmkirdə bir ailə qəzaya uğradı, 2 yaşlı körpə öldü
Bakı-Qazax magistral yolunda ölümlə nəticələnən yol qəzası baş verib.
APA TV-nin qərb bürosunun məlumatına görə, hadisə yolun Şəmkir rayonu ərazisindən keçən hissəsində baş verib.
Hərəkətdə olan “Opel” markalı avtomobilin idarəetmədən çıxaraq yolun kənarına aşması nəticəsində 2016-cı il təvəllüdlü Nuray Cavid qızı Məmmədova hadisə yerində ölüb, 3 nəfər isə xəsarət alaraq xəstəxanaya yerləşdirilib.
Yaralılar 1977-ci il təvəllüdlü Cavid Məmmədov, onun həyat yoldaşı, 1985-ci il təvəllüdlü Aidə Kərimova və qayınanası, 1962-ci il təvəllüdlü Dizbəz Kərimovadır. Cavid Məmmədovun azyaşlı övladı və qaynı olan sürücü qəzadan xəsarətsiz xilas olublar.
İlkin məlumata görə, qəzaya səbəb avtomobilin şininin partlaması olub.
Faktla bağlı araşdırma aparılır.
Apa.tv
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
