AMEA-nın "Magistr-2018" müsabiqəsinin qalibləri mükafatlandırılıb
AMEA-nın keçirdiyi "Magistr-2018" müsabiqəsinin qalibləri mükafatlandırılıb.
APA TV-nin məlumatına görə, mükafatları akademiyanın prezidenti Akif Əlizadə təqdim edib.
Bildirilib ki, 47 magistrantın iştirak etdiyi müsabiqədə qaliblər Ekspert Komissiyası tərəfindən imtahanlarda qazanılan müvəffəqiyyət, elmi jurnallarda dərc olunan məqalələr, habelə konfrans və ictimai tədbirlərdə iştirakları nəzərə alınmaqla seçilib.
I, II və III yerlərin qaliblərinə müvafiq olaraq 1500, 1000 və 500 AZN məbləğində pul mükafatları və sertifikatlar təqdim olunub. Daha üç magistrant isə həvəsləndirici mükafata layiq görülüb.
Bundan əlavə, Heydər Əliyevin 95 illik yubileyinə həsr olunmuş müsabiqənin də qalibləri mükafatlandırılıb.
Qeyd edək ki, AMEA Rəyasət Heyətinin iclasında akademiyanın professorlarından ibarət Koordinasiya Şurası yaradılıb. Bildirilib ki, şuranın məqsədi qurumun elmi-təşkilati həyatında fəal iştirak etmək, innovativ fəaliyyətin inkişafına təkan verməkdir.
Apa.tv
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
