ABŞ-da hasilat sabitliyi, OPEC daxilində problemlər - NEFT BAHALAŞIR
Neft bazarında qeyri-stabillik davam edir.
APA TV-nin məlumatına görə, neft ölkələrində ixracın azalması, yaxud süni maneələr bazarda gərginlik yaradır.
Bütün bunlar "qara qızıl"ın qiymətlərini bahalaşdırır, bahalaşma isə bir neçə səbəbdən qaynaqlanır.
Səbəbləri belə sıralamaq olar:
- ABŞ-ın İrana qarşı mövqeyini daha da ciddiləşdirməsi OPEC-in üçüncü ən böyük neft ixracatçısı olan bu ölkənin bazara məhsul çıxarmasını dayandıra bilər
- ABŞ-da xam neft ehtiyatları minimuma enib
- Kanadada neft hasilatında problemlər yaranıb
- Liviyada siyasi gərginlik davam edir
- Venesuelada inflyasiya səbəbindən ixracat azalıb
- OPEC-in İran və Venesueladan qaynaqlanan kəsiri aradan qaldırmayacağı ehtimalı
Qeyd olunan səbəblər stabil olmasa da, qiymətləri körükləyir.
"Brent" markalı neftin dəyəri dünən axşam saatlarından bahalaşaraq 78 dolları keçib. Sonra yenidən 77,61 dollara qədər ucuzlaşıb.
Qərbi Texas markası daha ciddi - 1 dollar 40 sent bahalaşıb. WTI nefti bahalaşmadan sonra nisbətən ucuzlaşaraq 73,33 dollardan təklif olunur. İki marka arasında fərq isə getdikcə azalır.
Bu, ABŞ neftinin bazara daha stabil çıxarılmasından və OPEC ölkələrində bitməyən problemlərdən qaynaqlanır.
Elvin Bayramlı
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
