Tramp-Putin görüşündə Suriyanın xəritəsi dəyişə bilər - ABŞ TƏKLİF HAZIRLAYIB
Donald Tramp Vladimir Putinlə Suriya məsələsində anlaşmaq istəyir.
APA TV-nin Rusiya mətbuatına istinadən məlumatına görə, Ağ Ev rəhbəri Helsinki görüşündə rusiyalı həmkarı ilə ilk növbədə Suriya məsələsini müzakirə edəcək.
O, münaqişə bölgəsindən ABŞ hərbçilərinin çıxarılmasını təklif etmək niyyətindədir.
Təklif Suriyanın cənub-qərbində Suriya ordusu ilə ABŞ-ın dəstəklədiyi müxalifət arasında iğtişaşların davam etdiyi bölgələri əhatə edir. D.Tramp bu ərazilərin Bəşər Əsəd qüvvələrinə təhvil verilməsinə razılıq verəcək, əvəzində isə Rusiyanın dəstək göstərdiyi Suriya ordusu müxalifətçilərin yerləşdiyi digər bölgələrə hücumları dayandıracaq. O, həmçinin ölkənin cənub-qərbində toqquşmaların qarşısını almaq üçün neytral ərazinin yaradılmasını istəyir.
Xatırladaq ki, analoji plan artıq Dəməşq yaxınlığındakı Duma şəhəri uğrunda döyüşlərdə tətbiq olunub. Belə ki, hökumət qüvvələri şəhəri ələ keçirsə də, orada olan müxalifət qüvvələrinə şəhəri tərk etməyə imkan yaradıb.
Cənub-qərb ərazilərinin B.Əsədə qaytarılmasını D.Tramp daha əvvəl Ağ Evə səfəri zamanı İordaniya kralı II Abdulla ilə də müzakirə edib.
Qeyd edək ki, sözügedən ərazidə artıq bir neçə həftədir qarşıdurmalar davam edir və Pentaqon Suriya ordusunun hücumları dayandırmayacağı təqdirdə, sərt tədbirlərə əl atacağını qeyd edib.
Apa.tv
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
