Dolların bahalaşması İranı qarışdırdı - POLİSLƏ TOQQUŞMALAR
İqtisadi problemlər və dolların bahalaşmasına görə Tehran sakinləri küçələrə axışıb.
APA TV-nin Türkiyə mətbuatına istinadən məlumatına görə, paytaxtda etirazlara kiçik sahibkarlar qoşulub.
İnsanlar "10 min tümənə dollar istəmirik", "Suriyanı burax, bizim vəziyyətə bax" kimi şüarlar səsləndirib. Yolları bağlayan etirazçılar İran parlamentinə doğru hərəkət edib. Aksiya iştirakçılarının məclisə yaxınlaşdıqda polis müdaxilə edib, gözyaşardıcı qazdan istifadə olunub. Müdaxiləyə cavab olaraq insanlar polis motosikletlərinə od vurub.
İran parlamenti sədrinin köməkçisi Məsud Pizişkiyan fövqəladə vəziyyət elan edilməsi və ölkənin vilayət sistemi ilə idarə olunması üçün çağırış edib.
Qeyd edək ki, ölkədəki iqtisadi vəziyyətə görə, ötən ilin dekabrında da ciddi etirazlar baş verib. Həmin hadisələr zamanı 25 nəfər ölmüş, 5 min nəfər saxlanılmışdı.
Elvin Bayramlı
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
