ABŞ-ın israrı, Səudiyyənin iyul planı, OPEC-in effektsiz qərarı - NEFT BAHALAŞIR
ABŞ-ın müttəfiqlərinə İrandan neft alışına noyabra qədər son qoymaları ilə bağlı təzyiqi və özəl sektorun hesabatının ölkədə ehtiyatların azaldığını göstərməsindən sonra xam neftin qiymətləri ciddi bahalaşıb.
APA TV-nin məlumatına görə, ABŞ Xəzinə Nazirliyi müttəfiq ölkələr və şirkətlərdən noyabrın 4-ə qədər İrandan neft idxalını dayandırmalarını istəyib. Ehtiyatların isə 2,3 milyon barel azaldığı qeyd olunur.
Qiymətləri bahalaşdıran digər səbəb OPEC-in istehsalı artırmaqla bağlı son qərarının Venesuela və İrandan qaynaqlanan kəsiri doldura bilməyəcəyi ehtimalıdır. Mütəxəssislər belə düşünür.
Səudiyyə Ərəbistanı gələn ay rekord miqdarda neft istehsal etməyə cəhd edəcək. Amma bunun da bazarda ciddi bolluq yaratmayacağı qeyd olunur. Digər tərəfdən ABŞ-da ehtiyatlar keçən ilə nisbətən sürətlə azalır. Bu vəziyyət bazarda narahatlıq yaradır və qiymətlərin yüksəlməsinə səbəb olur.
"Brent" markalı neftin bir bareli iki dollara qədər bahalaşaraq hazırda 76,36 dollardan satılır. Qərbi Texas markası isə daha çox bahalaşıb - 2 dollar 55 sent. Beləliklə, WTI neftinin qiyməti iyun ayı ərzində ilk dəfə 70 dolları keçərək 70,77 dollardan təklif olunur.
Elvin Bayramlı
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
