Oğuzda iki uşaq atası özünü güllələdi
Oğuzda iki uşaq atası odlu silahla özünü güllələyərək intihara cəhd edib.
APA TV-nin məlumatına görə, iyunun 24-ü axşam saat 17:00 radələrində rayonun Baş Daşağıl kənd sakini, 1973-cü il təvəllüdlü Rəsul Abbas oğlu Alməmmədov çiyin nahiyəsindən odlu silahla açılan atəş nəticəsində aldığı xəsarətlə Oğuz Mərkəzi Rayon Xəstəxanasına (MRX) daxil olub.
MRX-dan bildirilib ki, xəstəxananın cərrahiyə şöbəsində müalicəsi aparılan və iki uşaq atası olan Rəsul Alməmmədova lazımi tibbi yardım göstərilib, vəziyyəti orta-stabil qiymətləndirilir.
Hüquq-mühafizə orqanlarından verilən məlumata görə, Rəsul Alməmmədov yaşadığı evin yaxınlığındakı çaya gedərək, hələ ki istintaqa tam məlum olmayan səbəbdən ov tüfəngi ilə intihar etmək məqsədilə özünü güllələyib. Hadisə baş verən zaman Rəsul Alməmmədovun sərxoş olduğu bildirilir. Hadisə vaxtı istifadə olunan silah maddi sübut kimi götürülərək istintaqa təhvil verilib.
Faktla bağlı cinayət işi başlanıb, araşdırma aparılır.
Vüqar Heydərov
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
