Gəncə şəhərində yerləşən 31 saylı uşaq bağçasında azyaşlının xəsarət almasına görə 2 nəfər işdən çıxarılıb, 1 nəfərə isə töhmət verilib.

APA TV-nin qərb bürosunun məlumatına görə, 2 yaşlı Sara İsmayılovanın xəsarət alması ilə bağlı Gəncə şəhəri 31 saylı uşaq bağçasının tərbiyəçisi Gülnarə İsmayılova və sanitar dayəsi Solmaz Zeynalova işdən çıxarılıblar.

Eyni zamanda bağçanın direktoru Günay İsmayılovaya töhmət elan olunub.

İki yaşlı Saranın üzünə dağ basılması ilə bağlı sosial şəbəkələrdə məlumat yayılıb. İlkin araşdırma zamanı məlum olub ki, azyaşlının üzünü bağçadakı uşaqlardan biri dişləyib. Körpə qız xəstəxanaya yerləşdirilib, ona ilkin tibbi yardım göstərilib və evə buraxılıb.

Faktla bağlı hüquq-mühafizə orqanları tərəfindən də araşdırma aparılır.

Gəncə şəhərində yerləşən 31 saylı uşaq bağçasında azyaşlının xəsarət almasına görə 2 nəfər işdən çıxarılıb, 1 nəfərə isə töhmət verilib.