Şamaxıda ağır avtoqəzada 2 nəfər ölüb, 3 nəfər xəsarət alıb
Bakı-Şamaxı-Yevlax avtomobil yolunda 2 nəfərin ölümü ilə nəticələnən ağır yol-nəqliyyat hadisəsi baş verib. APA TV-nin yerli bürosunun xəbərinə görə, avtoqəza ötən gecə saat 04:00 radələrində magistral yolun Şamaxı şəhərindən keçən hissəsində qeydə alınıb.
Şamaxı sakini, 1968-ci il təvəllüdlü Əflatun Feyzullayevin idarə etdiyi "QazEL" markalı yük avtomobili qarşı tərəfdən gələn və Göyçay sakini, 1998-ci il təvəllüdlü Vasif Cabbarovun idarə etdiyi “VAZ 2107” markalı minik avtomobili ilə toqquşub. Yol qəzası nəticəsində sərnişinlər - Ucar sakini, 1968-ci il təvəllüdlü Sima Məmmədova və Göyçay sakini, 1985-ci il təvəllüdlü Elmin Məmmədov aldığı ağır xəsarətlər səbəbindən hadisə yerində dünyasını dəyişib.
Bundan əlavə sürücülər V.Cabbarov və Ə.Feyzullayev, həmçinin sərnişinlərdən biri 1991-ci il təvəllüdlü Nemət Feyzullayev ağır xəsarət alaraq Şamaxı rayon Mərkəzi Xəstəxanasına çatdırılıb.
Faktla bağlı Baş Dövlət Yol Polisi İdarəsinin İstintaq və təhqiqat şöbəsi tərəfindən araşadırma aparılır.
Apa.tv
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
