Xidmət rəisi: "Bakıda sərnişin daşıyan avtobusların 87%-nin istismar müddəti bitib"
"Bu gün sərnişindaşıma ilə məşğul olan nəqliyyat vasitələrindən 87 faizinin istifadə müddəti bitib".
APA TV-nin məlumatına görə, bunu jurnalistlərə açıqlamasında Dövlət Avtomobil Nəqliyyatı Xidmətinin rəisi Həbib Həsənov deyib:
Onun sözlərinə görə, hazırda nəqliyyat sahəsində vergi xidmətlərinin elektronlaşdırılmasını təmin etmək üçün Dövlət Avtomobil Nəqliyyatı Xidməti ilə Vergilər Nazirliyi arasında məsləhətləşmələr aparılır:
Konfransda qeyd olunub ki, Dövlət Avtomobil Nəqliyyatı Xidməti tərəfindən avtonəqliyyat parkının yenilənməsi və qarşıdakı 5 ildə sərnişin avtobuslarının istifadə müddətinin 10 ilə endirilməsi üzrə işlər aparılır.
SİNXRON: Həbib Həsənov - DANX-nin rəisi: "Bu, insanların təhlükəsizliyi və rahat gediş-gəlişi ilə bağlı olan məsələlərdir. Biz də dövlət orqanı olaraq narahatıq. Bir neçə il ərzində istər qanunvericilik səviyyəsində, istərsə də qaydalar, normativ-hüquqi bazada yeniliklər edilməlidir ki, özəl sektor burada stimullaşdırılsın".
Tədbirdə yerli daşıyıcıların beynəlxalq yük daşımalarında 2000 ədəd nəqliyyat vasitəsindən istifadə etdiyi, onların da yalnız 1239-nun müasir tələblərə cavab verdiyi bildirilib.
Müzakirələr zamanı xidmətin nəzdində fəaliyyət göstərən Təlim-Tədris Mərkəzinin maddi-texniki bazasının müasirləşdirilməsi üzrə təkliflər hazırlandığı açıqlanıb.
Sonda Dövlət Avtomobil Nəqliyyatı Xidməti ilə Texniki Universitet arasında əməkdaşlıq barədə protokol imzalanıb.
Apa.tv
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
