Hacıqabul gölünə su gəldi - QURUMAQ TƏHLÜKƏSİ AZALACAQ
Uzun zaman idi ki, Azərbaycanın ən böyük gölü olan Hacıqabul gölü qurumağa məruz qalmışdı.
Gölün quruması ərazinin ekosisteminə ciddi ziyan vurmaqla yanaşı, ətraf ərazidə əsrlərlə mövcud olan flora və faunanın məhvinə səbəb olurdu. Sovetlər dövründən mövcud olan ekoloji və iqtisadi infrastruktur pozulurdu. Ekoloji balansın pozulması nəticəsində göldən qalxan üfunət əhali üçün diskomfort yaratmaqda davam edirdi. Hacıqabul gölü ətrafında 50-dən çox nadir quş növləri məskunlaşmışdı ki, onlardan 10-a yaxınının adı “Qırmızı kitab”a düşmüşdü. Göldə müxtəlif növ balıq ehtiyatları mövcud idi. Ovlanan balıqlar Hacıqabul balıq vətəgəsində emal olunaraq satışa çıxarılırdı. Burada avarçəkmə və üzgüçülük təlim bazaları mövcud idi. Zəngin yem ehtiyatları köçəri quşların burada qışlamasına şərait yaradırdı. Bu baxımdan köçəri quşların miqrasiyası göldən keçən trayektoriya üzrə baş verirdi. Göl həm də beynəlxalq ramsar tipli su-bataqlıq hövzəsi kimi reyestrə aid edilmişdi.
Sevindirici haldır ki, bir müddət əvvəl tikintisinə start verilən suvarma kanalının inşası nəticəsində göl istiqamətində quraşdırılan şlüzün hesabına Kür çayından vurulan su ilə gölə su buraxılıb. Əlbəttə, əvvəllər mövcud olmuş təbii vəziyyətin yaranması üçün bir müddət vaxt tələb olunacaq. Bu uzun vaxt da çəkə bilər tez də baş verə bilər. Amma artıq müxtəlif növ quşların suda üzməsinin şahidi oluruq. Bir vaxtlar burada çəhrayı flaminqolar, nadir ördək növləri gözə dəyirdi. Gölə suyun vurulmasının davamlı olmasını ən çox ətraf ərazidə yaşayan insanlar arzulayır. Üstəlik, göldə təbii şəraitin yaranması ekoturizm və balıq ovu turizmi üçün əlverişli mühit və təbii şərait yaradır.
Əlibəy Zeynallı
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
