Ramanada məcburi köçkünün evi külə döndü - HADİSƏ YERİNDƏN
Ramana qəsəbəsində yanğın baş verib.
APA TV-nin məlumatına görə, hadisə qaçqınlar üçün salınmış yaşayış massivində qeydə alınıb.
Tamamilə yanaraq istifadəsiz hala düşən yaşayış evinin sahibinin sözlərinə görə, yanğın gözlənilmədən baş verib və ani olaraq bütün evə yayılıb: "Yoldaşım uşaqları götürərək üzərimə gəldi. Uşaqları pəncərədən çətinliklə çölə atdım. Yoldaşım da pəncərədən qaçdı. Özüm də heç bir şey götürə bilmədən çölə çıxdım. Yanğının nədən, nə səbəblə baş verdiyini bilmədim. Özüm isə I qrup gözdən əliləm".
Hadisə şahidlərinin verdiyi məlumata görə, yanğına səbəb elektrik naqillərində baş vermiş qısaqapanmadır: "Ümumiyyətlə, gördüyünüz kimi elektrik xətlərinin hamısı taxtaların üstü ilə gedir. Yəqin ki, orada qısa qapanma olub. Bu evlər 2003-cü ildə Heydər Əliyevin göstərişi ilə qaçqınlar üçün salınmış qəsəbədir. 2003-cü ildən bəri nə cür tikilmişdisə, eləcə də saxlanılıb".
Qeyd edək ki, FHN-nin briqadasının səyi nəticəsində yaxınlıqdakı tikililər yanğından mühafizə olunub. Yanğın yanğın bölmələri tərəfindən söndürülüb.
Almaz Qasımova
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
