ABŞ-ın ehtiyatları kəskin artdı, neft 40 sent ucuzlaşdı
Birləşmiş Ştatların neft və benzin ehtiyatlarının kəskin artması qiymətləri ucuzlaşdırıb.
APA TV-nin məlumatına görə, Energetika Nazirliyinin rəsmi hesabatına görə, ötən həftə ölkənin kommersiya neft ehtiyatları 5,78 milyon barel, benzin ehtiyatları isə 1,88 milyon barel artıb.
Həftənin əvvəlində sorğuya cəlb olunan analitiklər neft ehtiyatlarının 1,7 milyon barel, benzin ehtiyatlarının isə 620 min barel artacağını proqnozlaşdırırdı. Lakin artım proqnozdan çox olub, nəticədə 79,81 dollara satılan "Brent" neftinin qiyməti ucuzlaşaraq 79,43 dollar təşkil edib.
Qərbi Texas neftinin qiyməti də 72 dollardan aşağı düşüb. Axşam seanslarında 72,06 dollara satılan WTİ nefti hazırda 71,56 dollardan təklif olunur.
Sabah ABŞ-da hasilata cəlb olunan buruqların sayına dair növbəti hesabat açıqlanacaq. Siyasi amillərlə yanaşı, bu hesabat da həftə sonu neftin qiymətinə təsir göstərən əsas amillərdən biri olacaq.
Elvin Bayramlı
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
