Kürdəmirdə avtomobil aşdı, sürücü və sərnişin xəsarət aldı
Kürdəmirdə xəsarətlə nəticələnən yol nəqliyyat hadisəsi baş verib. APATV-nin yerli bürosunun xəbərinə görə, hadisə bu gün axşam saatlarında Bakı-Qazax magistral yolunun 203-cü kilometrliyində, Kürdəmir rayonunun Qarabucaq kəndindən keçən hissəsində qeydə alınıb.
Kürdəmir rayonunun Karrar kənd sakini, 1991-cı il təvəllüdlü Əliyev Elvin Şəmsəddin oğlu idarə etdiyi "Mercedes" markalı minik maşını ilə Qazax istiqamətində hərəkətdə olarkən avtomobil idarəetmədən çıxaraq yol kənarına aşıb. Nəticədə sürücü E.Əliyev və sərnişini, 1994-cü il təvəllüdlü Bayramlı Ceyhun Akif oğlu müxtəlif dərəcəli xəsarətlərlə Kürdəmir Mərkəzi Rayon Xəstəxanasına yerləşdirilib.
Faktla bağlı Baş Dövlət Yol Polisi İdarəsinin İstintaq və təhqiqat şöbəsində araşdırma aparılır.
Apa.tv
OXŞAR XƏBƏRLƏR
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
