Səudiyyə "Hizbullah" liderini terrorçu elan etdi
"Hizbullah" lideri Səudiyyə Ərəbistanının terrorçular siyahısına daxil edilib.
APA TV-nin Türkiyə mətbuatına istinadən xəbərinə görə, Səudiyyə hökuməti terror qruplaşmaları siyahısına Həsən Nəsrullah da daxil olmaqla 8 nəfərin və 2 terror təşkilatının adını daxil edib.
Səudiyyə Ərəbistanı təhlükəsizlik orqanlarının yaydığı xəbərə görə, bu barədə şuranın iclasında qərar qəbul edilib. Açıqlamada həmçinin qeyd olunur ki, "Hizbullah" terror qruplaşması İranın dəstəyi ilə Yəməndə, Suriyada, Livanda və digər ərəb ölkələrində Səudiyyə hökumətinə qarşı fəaliyyət göstərir və onun təhlükəsizliyini təhdid altında saxlayır. Adı çəkilən terrorçu qruplaşmaya qarşı fəaliyyətin gücləndiriləcəyi də bildirilir.
Qeyd edək ki, Səudiyyə Ərəbistanı ilə yanaşı, Bəhreyn, Küveyt, Qətər, Oman və BƏƏ də "Hizbullah"ı terrorçu qruplaşma kimi tanıyıblar.
Hikmət Zeynallı
OXŞAR XƏBƏRLƏR
Azərbaycan və Almaniya prezidentlərinin təkbətək görüşü keçirildi
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
İlham Əliyev Braziliyanın yeni səfirinin etimadnaməsini qəbul etdi
XİN-dən hücuma uğrayan gəmidəki azərbaycanlılarla bağlı AÇIQLAMA
