Şabranda Kür-Araz mədəniyyətinə aid nadir tikili qalığı tapılıb
Şabran rayonunun Aygünlü kəndi ərazisində yerləşən Çaqqallıqtəpə abidələr kompleksinə daxil olan Çaqqallıqtəpə I yaşayış yerində bu il aparılan qazıntılar zamanı maraqlı arxeoloji məlumatlar əldə olunub.
Bu barədə APA TV-nin yerli bürosuna Arxeologiya və Etnoqrafiya İnstitutunun elmi işçisi, Şabran arxeoloji ekspedisiyasının üzvü Sevinc Hüseynova məlumat verib.
O bildirib ki, arxeoloji qazıntılar bir aydır davam edir və qazıntılar nəticəsində dairəvi formalı, Kür-Araz dövrünə aid tikili qalığı tapılıb: "4 düzümdən ibarət kərpiclər üst-üstə qalıb. Bu cür evin qalması həmin dövr üçün çox nadir tapıntıdır. Eyni zamanda Kür-Araz dövrü üçün xarakterik olan manqal da aşkarlanıb. Digər Kür-Araz abidlərində də xarakterikdir".
O, həmçinin ərazidən mərmərdən düzəldilən muncuq formalı əsa başı, Asiya abidələri üçün xarakterik olan 3 qulpdan ibarət saxsı qab, sümükdən və absidyandan ox ucluqları, əmək alətləri, sapand daşları, sürtgəclər tapıldığını deyib.
Qeyd edək ki, Çaqqallıqtəpə abidələr kompleksi ilk tunc dövrünə aiddir.
Apa.tv
OXŞAR XƏBƏRLƏR
Edilən ƏN BÖYÜK SƏHV! — Günvurma zamanı nə etməliyik?
Bakıda Milli Mətbuat Gününə həsr olunan tədbir keçirilib
Azərbaycan və Almaniya prezidentlərinin təkbətək görüşü keçirildi
İlham Əliyev Omanın yeni səfirinin etimadnaməsini qəbul etdi
Prezident Kambocanın yeni səfirinin etimadnaməsini qəbul etdi
