Nardaran sakinindən tüfəng götürüldü - TORPAĞA BASDIRIBMIŞ
Nardaran sakinindən odlu silah götürülüb.
DİN mətbuat xidmətindən APA TV-yə verilən məlumata görə, Sabunçu Rayon Polis İdarəsi 42-ci Polis Bölməsinə Nardaran qəsəbə sakini İsrayıl Səmədzadədə odlu silah-sursat olması barədə əməliyyat məlumatı daxil olub.
Bölmə əməkdaşlarının həyata keçirdiyi təxirəsalınmaz əməliyyat-axtarış tədbiri nəticəsində həmin şəxs saxlanılıb. İ.Səmədzadə ifadəsi zamanı silahı yaşadığı evin həyətində torpağa basdırdığını bildirib. Qeyd edilən ünvana hal şahidlərinin iştirakı ilə baxış keçirilən zaman, saxlanılan şəxsin torpağa basdırdığı 1 ədəd “PATENT” markalı Kollat konstruksiyalı ov tüfəngi aşkar olunaraq götürülüb.
Faktla bağlı 42-ci Polis Bölməsində toplanan material araşdırılması üçün Sabunçu Rayon Polis İdarəsinin İstintaq Şöbəsinə göndərilib.
42-ci Polis Şöbəsi əməkdaşlarının Nardaran qəsəbəsi sakinləri ilə apardıqları profilaktik tədbirlər nəticəsində qəsəbə sakini Əli Hüseynov 1 ədəd müvafiq sənədləri olmayan “TOZ 16” markalı ov tüfəngini könüllü olaraq bölmə əməkdaşlarına təhvil verib.
Almaz Qasımova
OXŞAR XƏBƏRLƏR
Beyləqanda silahlı insidentlə bağlı PROKURORLUĞUN AÇIQLAMASI
Azərbaycanlı jurnalistlər Qırğızıstanın ən böyük xəbər mərkəzində olublar
Prezident İlham Əliyev Əbdülfəttah əs-Sisiyə təbrik məktubu ünvanladı
Edilən ƏN BÖYÜK SƏHV! — Günvurma zamanı nə etməliyik?
Bakıda Milli Mətbuat Gününə həsr olunan tədbir keçirilib
