Qaradağda ev və mağazaların qənimi tutuldu
Qaradağ rayonunun Lökbatan qəsəbəsində vətəndaş Həbib Həsənovun evindən oğurluq edilib.
DİN mətbuat xidmətindən APA TV-yə verilən məlumata görə, bu barədə zərərçəkən Qaradağ Rayon Polis İdarəsi 10-cu Polis Bölməsinə məlumat verib. O, şikayətində mənzilindən pul və qızıl-zinət əşyalarının oğurlandığını bildirib.
Qaradağ Rayon Polis İdarəsi Cinayət Axtarış Şöbəsi və 10-cu Polis Bölməsi əməkdaşlarının həyata keçirdiyi əməliyyat-axtarış tədbiri nəticəsində həmin cinayəti törətməkdə şübhəli bilinən əvvəllər məhkum olunmuş, Masallı rayon sakini Rafiq Mirağayev saxlanılıb. Aparılan istintaq hərəkətləri nəticəsində onun digər oğurluq cinayətlərinin də üstü açılıb və o, ifadəsində etdiyi oğurluqları etiraf edib.
Faktla bağlı cinayət işi başlanılıb. R.Mirağayevin başqa hansısa cinayətdə iştirak edib-etmədiyi araşdırmalardan sonra məlum olacaq.
Leyla Behbudlu
OXŞAR XƏBƏRLƏR
Beyləqanda silahlı insidentlə bağlı PROKURORLUĞUN AÇIQLAMASI
Azərbaycanlı jurnalistlər Qırğızıstanın ən böyük xəbər mərkəzində olublar
Prezident İlham Əliyev Əbdülfəttah əs-Sisiyə təbrik məktubu ünvanladı
Edilən ƏN BÖYÜK SƏHV! — Günvurma zamanı nə etməliyik?
Bakıda Milli Mətbuat Gününə həsr olunan tədbir keçirilib
