Neft son 4 ilin rekordunu yenilədi - QİYMƏTLƏR SÜRƏTLƏ QALXIR
Birjalarda xam neftin qiyməti sutka ərzində iki dollara qədər bahalaşıb.
APA TV-nin məlumatına görə, ABŞ-da ehtiyatların azalması, OPEC-in istehsalı azaltmaq siyasəti neftin dəyər qazanmasına səbəb olub. Hazırda "Brent" markalı neft 73,94 dollardan satılır. Qərbi Texas nefti isə 68,86 dollara qədər bahalaşıb.
ABŞ-ın Enerji İnformasiya İdarəsinin hesabatına görə, xam neft və benzin ehtiyatları daxil olmaqla strateji ehtiyatlar ötən həftə 10,58 milyon barel azalmaqla 2015-ci ildən bəri ən aşağı səviyyəyə enib. Ölkədə havaların istiləşməsi ilə avtomobil sayının artmasına benzinə tələbatı artırıb.
Aprelin 20-də OPEC və qeyri-kartel ölkələrinin nümayəndələri Səudiyyə Ərəbistanda görüşəcək. Rusiyanın da qatılacağı görüşdə istehsalı azaltmaqla bağlı müqavilənin vaxtının növbəti ilə uzadılması imkanları müzakirə olunacaq. Görüşlərdə uzun müddətli ittifaqın yaradılması da gözlənilir.
Elvin Bayramlı
OXŞAR XƏBƏRLƏR
Beyləqanda silahlı insidentlə bağlı PROKURORLUĞUN AÇIQLAMASI
Azərbaycanlı jurnalistlər Qırğızıstanın ən böyük xəbər mərkəzində olublar
Prezident İlham Əliyev Əbdülfəttah əs-Sisiyə təbrik məktubu ünvanladı
Edilən ƏN BÖYÜK SƏHV! — Günvurma zamanı nə etməliyik?
Bakıda Milli Mətbuat Gününə həsr olunan tədbir keçirilib
