Rusiyada axtarışda olan şəxs Astarada narkotiklə tutuldu
Rusiyada axtarışda olan şəxs Astarada külli miqdarda narkotiklə tutulub.
APA TV-nin cənub bürosunun xəbərinə görə, Astara Rayon Polis Şöbəsi əməkdaşlarının keçirdiyi uğurlu əməliyyat tədbirləri nəticəsində 3 kiloqramdan artıq narkotik vasitə aşkar edilərək qanunsuz dövriyyədən çıxarılıb.
Əməliyyat-axtarış tədbirləri nəticəsində Şahağacı kəndində yaşayan Bəhruz Cəfərovun üzərindən 1 bükümdə 4,3 qram çəkidə tiryək və 5 bükümdə ümumi çəkisi 0,7 qram heroin aşkarlanaraq götürülüb. Əməliyyat tədbirlərinin davamı olaraq Bəhruz Cəfərovun Astara rayonunun Şahağacı kəndindəki yaşadığı evdən 3 kiloqram 90 qram çəkidə tiryək aşkarlanıb.
Faktla bağlı cinayət işi başlanılıb, istintaq davam etdirilir. Araşdırmalar zamanı Bəhruz Cəfərovun Rusiya Federasiyası Cinayət Məcəlləsinin 228-ci (narkotik vasitələrin qanunsuz dövriyyəsi) maddəsi ilə axtarışda olması da müəyyən edilib.
Elnur Ələkbərov
OXŞAR XƏBƏRLƏR
Beyləqanda silahlı insidentlə bağlı PROKURORLUĞUN AÇIQLAMASI
Azərbaycanlı jurnalistlər Qırğızıstanın ən böyük xəbər mərkəzində olublar
Prezident İlham Əliyev Əbdülfəttah əs-Sisiyə təbrik məktubu ünvanladı
Edilən ƏN BÖYÜK SƏHV! — Günvurma zamanı nə etməliyik?
Bakıda Milli Mətbuat Gününə həsr olunan tədbir keçirilib
