Göygöl rayonunda təhlükəli mərmilər tapıldı
Göygöl rayonu ərazisində təhlükəli mina aşkarlanıb.
APA TV-nin verdiyi xəbərə görə, bu barədə Fövqəladə Hallar Nazirliyinin Böhran Vəziyyətlərində İdarəetmə mərkəzindən Ərazilərin Minalardan Təmizlənməsi üzrə Milli Agentliyə də məlumat daxil olub və Göygöl rayonu, Quşqara kəndi ərazisində 3 ədəd mərminin tapıldığı bildirilib.
ANAMA-nın xüsusi mobil çevik əməliyyat qrupu dərhal həmin əraziyə göndərilib. Agentliyin mütəxəssisləri tərəfindən həmin ərazidə çay dərəsinə baxış keçirilib, aparılan əməliyyat axtarış tədbirləri nəticəsində 3 ədəd partlamamış hərbi sursat - 1 ədəd 120 mm-lik top mərmisi və 2 ədəd 120 mm-lik minaatan mərmisi, 1 ədəd boş giliz və 1 ədəd partlamış mərmi qalığı aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Apa.tv
OXŞAR XƏBƏRLƏR
Böyük Qayıdışın növbəti mərhələsi: 65 ailə yurduna döndü
Beyləqanda silahlı insidentlə bağlı PROKURORLUĞUN AÇIQLAMASI
Azərbaycanlı jurnalistlər Qırğızıstanın ən böyük xəbər mərkəzində olublar
Prezident İlham Əliyev Əbdülfəttah əs-Sisiyə təbrik məktubu ünvanladı
Edilən ƏN BÖYÜK SƏHV! — Günvurma zamanı nə etməliyik?
