Zərdabda şahmat məktəbinin kompüterləri oğurlandı
Zərdabda oğurluq edən şəxs tutulub.
APA TV-nin yerli bürosunun xəbərinə görə, Zərdab Rayon Təhsil Şöbəsinin müdiri Lalə Rza qızı Əmirəliyeva Zərdab Rayon Polis Şöbəsinə müraciət edərək, təhsil şöbəsinin nəzdində olan Uşaq-Gənclər İdman Şahmat Məktəbinin balansında olan 10 ədəd kompüter dəstinin məktəbin anbarından naməlum şəxs və ya şəxslər tərəfindən oğurlandığını bildirib.
Polis əməkdaşları tərəfindən keçirilmiş əməliyyat-axtarış tədbirləri nəticəsində oğurluq edən şəxsin Zərdab şəhəri, R.Kərimov küçəsi ev 25-də yaşayan 1981-ci il təvəllüdlü Qasımov Emin Namət oğlu olduğu məlum olub.
Emin Qasımov şübhəli şəxs qismində saxlanılıb, oğurlanmış 10 ədəd kompüter dəsti aşkar edilərək maddi sübut kimi götürülüb.
Faktla bağlı araşdırma aparılır.
Zahid Abışov
OXŞAR XƏBƏRLƏR
Quba bazarından reportaj: “Yağışlar bizə çox təsir etdi”
Cəbrayılın SOLTANLI KƏNDİNƏ köç planlaşdırılır
Prezident Sərəncam imzaladı: Türkiyəyə yeni səfir təyin edildi
Cəlilabadda qədim dövrə aid NÜMUNƏLƏR TAPILDI
Böyük Qayıdışın növbəti mərhələsi: 65 ailə yurduna döndü
