ABŞ etiraf etdi: İranın nişangahındayıq!
İran Yaxın Şərqdə ən böyük ballistik raket arsenalına malikdir. APA TV-nin Rusiya mətbuatına istinadən məlumatına görə, bu barədə ABŞ milli kəşfiyyat rəhbəri Deniel Kouts bildirib.
"İran Yaxın Şərqdə ən böyük ballistik raket arsenalına malikdir və ölkə hüdudlarından 2 min kilometrədək kənarda yerləşən hədəflərə zərbələr endirə bilər. Tehranın hərbi potensialı ABŞ-a, ölkənin bölgədəki qoşunlarına və müttəfiqlərinə təhlükə yaradır" - deyə, Deniel Kouts bildirib.
İran, ABŞ-ın bölgədəki hərbi obyektlərini nişangahda saxlamaq üçün silah sistemləri yaratmaqda və yeniləməkdə davam edir: "Həmin silahlar arasında pilotsuz uçan təyyarələr, ballistik raketlər, dəniz minaları, məsafədən idarə olunan minalanmış katerlər, müasir torpedalarla silahlanmış sualtı gəmilər, gəmi əleyhinə qanadlı raketlər və quru təyinatlı qanadlı raketlər var".
Xatırladaq ki, bir neçə gün əvvəl SEPAH ABŞ-ın Qətərdəki aviabazasının vurulacağını bəyan edib. Hərbi bazadakı 10000 əsgər hazır vəziyyətə gətirilib.
Fərid Rəsulov
OXŞAR XƏBƏRLƏR
Azərbaycanın İstanbuldakı baş konsulu dəyişdi
Bakını bürüyən tozlu hava ilə bağlı rəsmi açıqlama – Səbəb bu imiş...
İlk dəfə keçiriləcək çempionata Azərbaycan ev sahibliyi edəcək
Bakıdakı səfirliklə yanaşı, daha 14 ölkədə də eyni addım atılacaq
Tozlu hava şəraiti nə vaxta qədər davam edəcək?
