Dializ xəstələrinin mübahisəsi qanla bitdi: biri digərinin boğazını kəsdi - ŞİRVANDA
Şirvanda dializ xəstəsi digər dializ xəstəsini bıçaqla ağır yaralayıb.
APA TV-nin Mil-Muğan bürosunun verdiyi məlumata görə, hadisə Şirvan Diaqnostika Mərkəzinin qarşısında qeydə alınıb.
Sərnişin - 1979-cu il təvəllüdlü Teymur Əliyev taksi sürücüsü, 1987-ci il təvəllüdlü Afiq Novruzovun boğaz nahiyəsinə 2 bıçaq xəsarəti yetirib. Yaralı ağır vəziyyətdə mühafizə xidmətinin köməyi ilə Şirvan Diaqnostika Mərkəzinə yerləşdirilərək əməliyyata götürülüb. Yaralının çoxlu qan itirdiyi bildirilir.
Polis hadisəni törədən T.Əliyevi saxlayıb.
Onların hər ikisi dializ xəstəsi olub. Şirvan Diaqnostika Mərkəzinə də dializ proseduruna birlikdə gəliblər. Elə avtomobilin salonunda aralarında baş verən mübahisə sonda qanla bitib.
Faktla bağlı Şirvan şəhər prokurorluğunda cinayət işi açılıb, araşdırma aparılır.
Əlibəy Zeynallı
OXŞAR XƏBƏRLƏR
Azərbaycanın İstanbuldakı baş konsulu dəyişdi
Bakını bürüyən tozlu hava ilə bağlı rəsmi açıqlama – Səbəb bu imiş...
İlk dəfə keçiriləcək çempionata Azərbaycan ev sahibliyi edəcək
Bakıdakı səfirliklə yanaşı, daha 14 ölkədə də eyni addım atılacaq
Tozlu hava şəraiti nə vaxta qədər davam edəcək?
