Sabirabadda mal-qara oğruları yaxalandı
Sabirabad polisi rayon ərazisində mal-qara oğurluğu ilə məşğul olan rayon sakinlərini yaxalayıb.
APA TV-nin Mil-Muğan bürosunun məlumatına görə, keçirilən əməliyyat tədbirləri çərçivəsində rayonun Balakənd kənd sakini Zamanov Zamir oğlunun təsərrüfatından 2 baş inəyi oğurlayan Mustafabəyli kənd sakini, 1982-ci il təvəllüdlü, əvvəllər məhkum olunmuş Zeynalov Asim Gülmalı oğlu saxlanılıb. Onun həyətinə baxış keçirilən zaman oğurlanmış 2 baş iribuynuzlu dana aşkar edilib və götürülərək sahibinə qaytarılıb.
Digər əməliyyat tədbirləri çərçivəsində Sabirabad rayon Polis Şöbəsinin Qaragüney Polis Bölməsi tərəfindən Qarağac kənd sakini Ceyran Qocayevanın şəxsi təsərrüfatından 1 baş iri buynuzlu heyvan oğurlayan Azadakənd kənd sakinləri - 1992-ci il təvəllüdlü Quliyev Rüfət Rəsul oğlu, 1986-cı il təvəllüdlü Zeynalov Elçin Rzabala oğlu və 2001-ci il təvəllüdlü Sarıyev Mövlan Abhüseyn oğlu saxlanılıb. Onların yaxın qohum olduqları bildirilir.
Faktla bağlı Sabirabad rayon Polis Şöbəsi tərəfindən cinayət işi açılıb, araşdırma aparılır.
Əlibəy Zeynallı
OXŞAR XƏBƏRLƏR
Azərbaycanın İstanbuldakı baş konsulu dəyişdi
Bakını bürüyən tozlu hava ilə bağlı rəsmi açıqlama – Səbəb bu imiş...
İlk dəfə keçiriləcək çempionata Azərbaycan ev sahibliyi edəcək
Bakıdakı səfirliklə yanaşı, daha 14 ölkədə də eyni addım atılacaq
Tozlu hava şəraiti nə vaxta qədər davam edəcək?
