Lənkəranın ucqar kəndinin yolu sürüşdü
Lənkəranın ucqar dağ kəndində torpaq sürüşməsi baş verib. Nəticədə avtomobil yolu bağlanıb.
APA TV-nin cənub bürosunun verdiyi xəbərə görə, sürüşmə ötən gün Lənkəran rayonunun mərkəzindən 43 kilometr məsafədə olan Jidi kəndinin ərazisində qeydə alınıb. Sürüşmə kəndin əsas avtomobil yolunun 100 metrlik hissəsini əhatə edib. Lay torpaq qatının sürüşməsi zamanı dağ yolu keçilməz hala düşüb. Sürüşmə nəticəsində yolda 1 metr enində çatlar əmələ gəlib.
Bu yol Gəgiran kəndi ilə rayonu birləşdirən yeganə avtomobil yolu olduğundan həmin kəndlə nəqliyyat əlaqəsi də kəsilib. Əraziyə dərhal FHN-in Cənub Regional Mərkəzinin nümayəndələri gələrək sürüşmə yerinə baxış keçirib. Hadisə ilə bağlı aidiyyəti qurumlara məlumat verilib.
Torpaq sürüşməsi baş verən ərazidə evlər olmadığından sakinlərə hər hansı bir maddi zərər dəyməyib.
Apa.tv
OXŞAR XƏBƏRLƏR
18:52
575
Azərbaycanın İstanbuldakı baş konsulu dəyişdi
17:05
793
Bakını bürüyən tozlu hava ilə bağlı rəsmi açıqlama – Səbəb bu imiş...
15:33
657
İlk dəfə keçiriləcək çempionata Azərbaycan ev sahibliyi edəcək
14:19
509
Bakıdakı səfirliklə yanaşı, daha 14 ölkədə də eyni addım atılacaq
14:16
395
Tozlu hava şəraiti nə vaxta qədər davam edəcək?
12:41
1262