Ağdaşda məscid yanaraq külə döndü
Ağdaş rayonunda məscid yanaraq yararsız hala düşüb. APA TV-nin yerli bürosunun xəbərinə görə, yanğın hadisəsi ötən gecə saat 1:30 radələrində rayonun Güvəkənd kəndində qeydə alınıb.
Ümumi sahəsi 180 kvadratmetr olan məscidin yanar konstruksiyaları və içərisindəki əşyalar tamamilə yanaraq yararsız hala düşüb. Yanğın zamanı dini kitablar, qiymətli xalçalar, müxtəlif əşyalar yanaraq külə dönüb. Hadisə zamanı məsciddə heç kim olmadığı üçün xəsarət alan olmayıb. Kənd sakinləri hadisədən gec xəbər tutduğu üçün məsciddən heç nə çıxara bilməyiblər.
Hadisə yerinə FHN-in Ağdaş rayon Dövlət Yanğından Mühafizə Hissəsinin iki yanğınsöndürən avtomobili və canlı qüvvəsi cəlb olunub. Yanğının genişlənərək yaxınlıqdakı tikililərə keçməsinin qarşısı alınıb. Yanğının hansı səbəbdən baş verdiyi hələ ki, məlum deyil.
Məsciddə istilik sistemi olmayıb və içərinin isidilməsi üçün təbii qaz verilmədiyinə görə odun sobasından istifadə edilirdi. İlkin ehtimala görə, hadisəyə elektrik naqillərində baş verən qısaqapanma səbəb olub. Faktla bağlı araşdırma aparılır.
Qeyd edək ki, məscid 1993-cü ildə inşa edilərək kənd sakinlərinin istifadəsinə verilmişdi. Ətrafdakı bir neçə kəndin dindarları Güvəkənd məscidinə gələrək ibadət edirdi.
Almaz Qasımova
OXŞAR XƏBƏRLƏR
Putin İlham Əliyevə zəng etdi: Liderlər hansı məsələləri müzakirə etdilər?
Azərbaycanın İstanbuldakı baş konsulu dəyişdi
Bakını bürüyən tozlu hava ilə bağlı rəsmi açıqlama – Səbəb bu imiş...
İlk dəfə keçiriləcək çempionata Azərbaycan ev sahibliyi edəcək
Bakıdakı səfirliklə yanaşı, daha 14 ölkədə də eyni addım atılacaq
