PYD Türkiyə ərazisini vurdu: ölən və yaralananlar var
Suriyanın şimalından Türkiyə ərazisi raket zərbələrinə məruz qalıb. APA TV-nin Türkiyə mətbuatına istinadən məlumatına görə, atılan 6 raketdən 3-ü Kilis şəhərinə, 3-ü isə Hatayın Reyhanlı qəsəbəsinə düşüb.
Nəticədə 1 Türkiyə vətəndaşı həlak olub, 10 nəfər xəsarət alıb.
Həyatını itirən şəxs Reyhanlı sakinidir, bundan əlavə qəsəbədə 5 nəfər ağır yaralanıb.
Kilisə atılan raketlərdən biri partlamayıb, digər iki zərbə 5 nəfərin xəsarət almasına səbəb olub.
Türkiyənin Suriyanın şimalında start verdiyi "Zeytun budağı" əməliyyatından sonra adı çəkilən bölgələr PYD/YPG tərəfindən 82 dəfə raket atəşinə tutulub. Nəticədə 5 Türkiyə vətəndaşı həyatını itirib, 100-dən çox yaralı var. Bundan əlavə zərbələr Kilis və Reyhanlıda dağıntılara da səbəb olub.
Elvin Bayramlı
OXŞAR XƏBƏRLƏR
“Azərbaycan dünyanın ən strateji əhəmiyyətli məkanlarından birində yerləşir”
Putin İlham Əliyevə zəng etdi: Liderlər hansı məsələləri müzakirə etdilər?
Azərbaycanın İstanbuldakı baş konsulu dəyişdi
Bakını bürüyən tozlu hava ilə bağlı rəsmi açıqlama – Səbəb bu imiş...
İlk dəfə keçiriləcək çempionata Azərbaycan ev sahibliyi edəcək
