Ağsuda “Qırmızı Kitab”a düşən quşları ovlayan 3 nəfər saxlanılıb
Ağsu Rayon Polis Şöbəsinin əməkdaşları qanunsuz ov edənlərə qarşı keçirdiyi reyd zamanı “Qırmızı Kitab”a düşən quşları ovlayan şəxsləri yaxalayıb.
APA TV-nin yerli bürosunun xəbərinə görə, Ağsu rayonunun Cəfərli kəndi yaxınlığında mühafizə olunan qoruq ərazisində 3 nəfər şəxs qanunsuz ov edərkən polis əməkdaşları tərəfindən saxlanılıb.
Araşdırmalar zamanı ov edən şəxslərin Ağsunun Kəndoba kənd sakinləri - 1989-cu il təvəllüdlü İbadov Zaur Cəfərxan oğlu, 1988-ci il təvəllüdlü İbadov Qahir Asət oğlu və 1983-cü il təvəllüdlü Məhəmmədli Ramazan Fəxrəddin oğlu olduğu müəyyən edilib. Onların üzərindən 3 ədəd qoşalüləli ov tüfəngi və 18 ədəd güllə, eləcə də həmin şəxslərdən ovladıqları "Qırmızı Kitab"a düşmüş 4 baş Bəzgək quşu da götürülüb.
Qeyd edək ki, sayı azaldığı üçün Bəzgək quşlarının adı 1989-cu ildə "Qırmızı Kitab"a daxil edilib. Qanunsuz ovlanan hər bir quşa görə 330 manat cərimə nəzərdə tutulub. Faktla bağlı Ağsu Rayon Polis Şöbəsi tərəfindən araşdırma aparılır.
Elvin Yaqubov
OXŞAR XƏBƏRLƏR
Azərbaycan XİN: Səslənən fikirlər REALLIĞIN TƏHRİF OLUNMASIDIR
“Azərbaycan dünyanın ən strateji əhəmiyyətli məkanlarından birində yerləşir”
Putin İlham Əliyevə zəng etdi: Liderlər hansı məsələləri müzakirə etdilər?
Azərbaycanın İstanbuldakı baş konsulu dəyişdi
Bakını bürüyən tozlu hava ilə bağlı rəsmi açıqlama – Səbəb bu imiş...
