PYD Əsədə yalvarmağa başladı: "Afrinə qoşun göndər!"
Afrindəki PYD terrorçuları rəsmi Dəməşqə müraciət edib. APA TV-nin Türkiyə mətbuatına istinadən məlumatına görə, müraciətdə Suriya hökumət qüvvələrinin Afrinə göndərilməsi xahiş olunur.
PYD-nin "Afrin özünü idarəetmə ofisi" bunun Suriyanın suverenliyi və sərhəd təhlükəsizliyi baxımından vacib olduğunu bildirib.
"Bölgəni qorumaq və sərhədə hərbçilər yerləşdirməyin vaxtı çatıb" - deyə, yazılı müraciətdə qeyd olunur.
İnternetdə yerləşdirilən bəyanatda Türkiyənin "Zeytun budağı" əməliyyatı işğal cəhdi kimi qiymətləndirilir.
Bu arada "Zeytun budağı" əməliyyatının 7-ci günündə məhv edilən terrorçuların sayının 343-ə çatdığı bildirilib. Bu barədə Türkiyə Silahlı Qüvvələri məlumat yayıb. Müqavimət göstərən PYD terrorçularının isə mövqelərini tərk edərək yaşayış məntəqələrinə çəkilərək evlərdə snayperlər yerləşdirdiyi deyilir.
Nigar Həsənli
OXŞAR XƏBƏRLƏR
Əlimirzamin Əskərov Qazaxıstanda yeni səfir təyin edilib
Dənizdə “ölüm dalğası”: Bir anlıq səhv faciə ilə nəticələnə bilər...
Azərbaycan XİN: Səslənən fikirlər REALLIĞIN TƏHRİF OLUNMASIDIR
“Azərbaycan dünyanın ən strateji əhəmiyyətli məkanlarından birində yerləşir”
Putin İlham Əliyevə zəng etdi: Liderlər hansı məsələləri müzakirə etdilər?
