7 yaşlı qızı zorlayaraq öldürdülər, polis isə etirazçılara atəş açdı - PAKİSTANDA DƏHŞƏT
Pakistanın şərqindəki Kasur şəhərində qaçırıldıqdan sonra öldürülən 7 yaşlı Zeynəb Ansarinin öldürülməzdən əvvəl zorlandığının üzə çıxması yerli sakinlərin kəskin etirazı ilə qarşılanıb. APA TV xəbər verir ki, bu hadisəyə etiraz edən onlarla insan küçələrə axışıb.
Məlumata görə, qız evdən çıxıb mədrəsəyə gedən zaman qaçırılıb. Onu aparan naməlum şəxs yaxınlıqdakı kamera görüntülərində də əks olunub. Bundan bir neçə gün sonra isə zibillikdən 7 yaşlı qızcığazın meyiti aşkarlanıb. Ekspertiza onun əvvəlcə zorlandığını, sonra isə boğularaq öldürüldüyünü müəyyən edib.
Bu hadisədən qəzəblənən sakinlər qız uşaqlarının təhlükəsizliyinin qorunmadığı və ölümündən sonra lazımi tədbirlərin görülmədiyi üçün yerli polis binasına hücum çəkib. Etiraz edən sakinlər son bir neçə ildə qaçırılma, təcavüz və qətllərin sayının artmasına qarşı və cinayətkarların ələ keçirilməsi üçün hər hansı bir addımların atılmamasında polisi günahlandırıb. Lakin polisin onlara atəş açaraq cavab verməsi nəticəsində iki etirazçı dünyasını dəyişib.
Rəsmilərin məlumatına görə, bu hadisə artıq bölgədə yeniyetmə qızların qaçırılaraq zorlandığı və sonradan öldürüldüyü 12-ci oxşar cinayət faktıdır. Ancaq bu hadisələrə görə hələ də saxlanılan olmayıb. 2015-ci ildən bu yana törədilən bu cinayətlərin arxasında nüfuzlu bir ailənin dayandığı üzə çıxdıqdan sonra bölgədən bir neçə polis əməkdaşı köçürülüb.
Baş verənlərə ölkədəki mülki və hərbi qurumlar da qarşılıq verib. Pəncab əyalətinin baş naziri Şahbaz Şərifi təcili tədbirlərin görülməsinə dair çağırış edib.
Apa.tv
OXŞAR XƏBƏRLƏR
18:48
387
Əlimirzamin Əskərov Qazaxıstanda yeni səfir təyin edilib
18:46
382
Dənizdə “ölüm dalğası”: Bir anlıq səhv faciə ilə nəticələnə bilər...
16:51
476
Azərbaycan XİN: Səslənən fikirlər REALLIĞIN TƏHRİF OLUNMASIDIR
14:57
310
“Azərbaycan dünyanın ən strateji əhəmiyyətli məkanlarından birində yerləşir”
13:57
431
Putin İlham Əliyevə zəng etdi: Liderlər hansı məsələləri müzakirə etdilər?
18:52
675