Qonaqlı-qaralı Lənkəran - YENİ İLDƏ RAYONA TURİST AXINI OLUB
Yeni il öncəsi və sonra Lənkərana gələn turistlərin sayı artıb. Onların əksəriyyəti əcnəbidir.
APA TV-nin Cənub bürosunun verdiyi məlumata görə, onların sırasında İran, Səudiyyə Ərəbistanı, Ukrayna və Rusiyadan gələnlər çoxluq təşkil edib. Qonaqlara daha çox yerli mətbəxin - Cənub bölgəsinin təamları təqdim olunub.
İstirahət mərkəzlərinə üz tutanların rahat dincələ bilmələri üçün onlara xüsusi istirahət paketlər təklif olunub. Ümumilikdə qiymətlərdə 15-30 faiz arasında endirim olub.
Lənkəran Turizm İnformasiya Mərkəzindən isə bildirilib ki, 2017-ci ildə rayona 30 minə yaxın turist gəlib. Bunun 20 faizini xarici turistlər təşkil edir. Noyabr ayında turistlərin sayı 1600, dekabr ayında isə 3000-ə yaxın olub.
Turistlərin sayının çoxluğu nəzərə alınaraq, Lənkəranda iki böyük hotel inşa edilir. Bu hotel komplekslərindən biri dağlıq ərazidə yerləşir. 2018-ci ildə bu istirahət mərkəzləri turistlərin ixtiyarına veriləcək.
Ötən ilin dekabr ayında Lənkəranda keçirilən "Çay, çəltik və sitrus festivalı" da rayona turist axınına səbəb olub. Ələt-Astara beynəlxalq avtomobil yolu, Lənkəran Beynəlxalq Aeroportunda aviareyslərin sayının artırılması rayonda qış turizmini inkişaf etdirmək üçün real imkanlar açır.
Apa.tv
OXŞAR XƏBƏRLƏR
Əlimirzamin Əskərov Qazaxıstanda yeni səfir təyin edilib
Dənizdə “ölüm dalğası”: Bir anlıq səhv faciə ilə nəticələnə bilər...
Azərbaycan XİN: Səslənən fikirlər REALLIĞIN TƏHRİF OLUNMASIDIR
“Azərbaycan dünyanın ən strateji əhəmiyyətli məkanlarından birində yerləşir”
Putin İlham Əliyevə zəng etdi: Liderlər hansı məsələləri müzakirə etdilər?
