Gərginlik ən yüksək həddə çatır - BMT-DƏ ABŞ-İRAN DUELİ
"ABŞ İran əleyhinə beynəlxalq koalisiya yaratmaq niyyətindədir". APA TV-nin Rusiya mətbuatına istinadən verdiyi məlumata görə, bu barədə ABŞ-ın BMT-dəki daimi nümayəndəsi Nikki Xeyli bildirib.
"İrana qarşı və rəsmi Tehranın etdiklərinin qarşısını almaq üçün koalisiya yaratmağımızın şahidi olacaqsınız" - deyə, N.Xeyli Vaşinqtonda keçirilən mətbuat konfransında bildirib.
O, növbəti dəfə İranı bu ölkəyə raket istehsalını qadağa edən BMT TŞ-in qətnamələrini pozmaqda, terrorizmi dəstəkləməkdə və bölgədə "aqressiv davranış" nümayiş etdirməkdə ittiham edib. Diplomat əlavə edib ki, İran nüvə sazişinin arxasında gizlənərək və BMT TŞ-nin müvafiq qətnamələrini pozaraq raket istehsal edir. "Hamının diqqəti nüvə sazişindədir, İran isə onun arxasında gizlənərək, daim sazişdən çıxacağı ilə hədələyir. Nüvə sazişi vacibdir, lakin BMT TŞ-nin qərarları da mühümdür" - deyə, o qeyd edib.
Bu arada İranın BMT-dəki daimi nümayəndəliyi bəyanat yayıb. Bəyanatda Yəməndən Səudiyyə Ərəbistanına atılmış raketin İrandan alınmasına dair ABŞ-ın ittihamları təxribatçı və destruktiv adlandırılır.
Qeyd edək ki, ABŞ-ın BMT-dəki daimi nümayəndəsi Nikki Xeyli Vaşinqtonda Yəməndəki üsyançı husilərin Ər-Riyad aeroportuna atdığı İran istehsalı olduğu iddia edilən raketin qalıqlarını təqdim edib.
İran tərəfi nümayiş etdirilən qalıqların saxtalaşdırılmış olduğu bildirib.
Fərid Rəsulov
OXŞAR XƏBƏRLƏR
Prezident İlham Əliyev Dünya Güləş Birliyinin prezidentini qəbul etdi
Füzulinin Pirəhmədli kəndində quruculuq işləri davam edir
Günəş şüaları xərçəngə səbəb ola bilər? - Dermatoloqdan ŞOK XƏBƏRDARLIQ
İmişlidə Araz çayında FHN-in xilasetmə əməliyyatı
Əlimirzamin Əskərov Qazaxıstanda yeni səfir təyin edilib
