Göyçayda mikroavtobus yoldan çıxaraq aşdı, yaralılar var
Göyçay rayonunda 6 nəfərin xəsarət alması ilə nəticələnən avtomobil qəzası baş verib.
APA TV-nin yerli bürosunun xəbərinə görə, hadisə bu gün saat 12:30 radələrində Bakı-Şamaxı-Yevlax avtomobil yolunun Göyçayın Bığır kəndi ərazisindən keçən hissəsində qeydə alınıb.
Sürücü Bəkir Mustafayev Sumqayıt-Göyçay marşrutu üzrə idarə etdiyi 85 BX 719 dövlət nömrə nişanlı “Ford Tranzit” markalı sərnişin mikroavtobusu ilə Göyçaydan Sumqayıt istiqamətində hərəkətdə olarkən yolda qəflətən “VAZ-2106” markalı minik avtomobili qarşısına çıxıb. O, qəzadan yayınmaq üçün sükanı sol tərəfə çevirib və idarəetməni itirərək avtomobili yolun kənarındakı su arxına aşırıb.
Hadisə zamanı sürücü ilə yanaşı, sərnişinlərdən 1956-cı il təvəllüdlü Rəsulova Nailə Məmmədhüseyn qızı, 1993-cü il təvəllüdlü Abbasov Elnur Ruslan oğlu və 1976-cı il təvəllüdlü Məmmədov Allahverdi Zabit oğlu müxtəlif dərəcəli bədən xəsarətləri ilə Göyçay Rayon Mərkəzi Xəstəxanasına yerləşdirilib. Daha iki nəfər sərnişinin yüngül xəsarət aldığı bildirilir.
Faktla bağlı araşdırma aparılır.
Apa.tv
OXŞAR XƏBƏRLƏR
Prezident İlham Əliyev Dünya Güləş Birliyinin prezidentini qəbul etdi
Füzulinin Pirəhmədli kəndində quruculuq işləri davam edir
Günəş şüaları xərçəngə səbəb ola bilər? - Dermatoloqdan ŞOK XƏBƏRDARLIQ
İmişlidə Araz çayında FHN-in xilasetmə əməliyyatı
Əlimirzamin Əskərov Qazaxıstanda yeni səfir təyin edilib
