Prezident Administrasiyası: Bəzi İslam ölkələrinin Ermənistanla dostluğa cəhd etməsi...
"Tarix boyu Azərbaycanda dinlər və məzhəblər arası həmrəylik mövcud olub".
APA TV-nin xəbərinə görə, bunu Prezident Administrasiyası İctimai-siyasi şöbəsinin əməkdaşı Bəhruz Həsənov “İslam Həmrəyliyinin güclənməsində medianın rolu” mövzusunda keçirilən konfransda bildirib.
O deyib ki, bəzi İslam ölkələrinin torpaqlarımızın 20 faizini işğal edən Ermənistanla dostluğa cəhd etməsi İslam həmrəyliyi meyarlarına ziddir: "Terrordan əziyyət çəkən ölkələrdən biri də Azərbaycandır. Biz terrorun bütün təzahürlərinə qarşı sərt, qətiyyətli mübarizə aparılmasının tərəfdarıyıq. Bir milyondan çox qaçqın-köçkünümüz var, ərazidə bütün infrastruktur, eyni zamanda İslam dininə məxsus tarixi, maddi-mədəni abidələr dağıdılıb, məhv edilib. Bunlara biz məscidləri də əlavə edə bilərik".
Misirin “Əxbar əl-Yaum” qəzetinin baş redaktoru Rufat Fayyad, Fələstin səfiri Nasir Əbdül Kərim və başqaları çıxışlarında İslam dövlətləri arasında qarşılıqlı faydalı əməkdaşlığın zərurətindən danışıblar.
Qeyd edək ki, Misir jurnalistlərinin Azərbaycana səfəri dekabrın 3-dək davam edəcək. Səfər çərçivəsində onların Cocuq Mərcanlı kəndinə səfəri də nəzərdə tutulub.
Fərid Rəsulov
OXŞAR XƏBƏRLƏR
Prezident İlham Əliyev Dünya Güləş Birliyinin prezidentini qəbul etdi
Füzulinin Pirəhmədli kəndində quruculuq işləri davam edir
Günəş şüaları xərçəngə səbəb ola bilər? - Dermatoloqdan ŞOK XƏBƏRDARLIQ
İmişlidə Araz çayında FHN-in xilasetmə əməliyyatı
Əlimirzamin Əskərov Qazaxıstanda yeni səfir təyin edilib
