Dünyanın ən məşhur qatillərindən biri öldü
ABŞ-da vaxtilə kütləvi qətllərə imza atan 84 yaşlı Çarlz Menson vəfat edib.
APA TV-nin Rusiya mətbuatına istinadən məlumatına görə, həkimlər ötən həftə xəstəxanaya yerləşdirilən "Ailə" adlı qruplaşmanın lideri Ç.Mensonun vəziyyətini kritik qiymətləndirirdi.
1934-cü ildə anadan olan Çarlz Menson ilk cinayətinə 9 yaşında imza atıb. Törətdiyi çoxsaylı qətl və oğurluqlar səbəbindən ömrünün yarıdan çoxunu həbsxanalarda keçirib. Onun rəhbərlik etdiyi qruplaşmanın indiyədək ümumilikdə 35 qətl törətdiyi bildirilir.
Çarlz Menson barəsində 1972-ci ildə ölüm hökmü çıxarılsa da, cəzanın müvəqqəti ləğvi səbəbindən o, ömürlük həbsə məhkum edilib. Daha sonra qatil bir neçə dəfə həbsxanadan buraxılmaq üçün müraciət edib.
Qeyd edək ki, rejissor Kventin Tarantino onun həyatı haqqında film çəkməyə hazırlaşır.
Fərid Rəsulov
OXŞAR XƏBƏRLƏR
“Biz sevinirik ki, belə bir tədbir Qəbələdə keçirilir”
Prezident İlham Əliyev Dünya Güləş Birliyinin prezidentini qəbul etdi
Füzulinin Pirəhmədli kəndində quruculuq işləri davam edir
Günəş şüaları xərçəngə səbəb ola bilər? - Dermatoloqdan ŞOK XƏBƏRDARLIQ
İmişlidə Araz çayında FHN-in xilasetmə əməliyyatı
