ABŞ-ın ehtiyatları artdı, neftin bahalaşma tempi azaldı
ABŞ Energetika Nazirliyi ölkənin neft ehtiyatlarının həcminə dair gözlənilən rəsmi hesabatı açıqlayıb.
APA TV-nin xəbərinə görə, hesabata əsasən, ölkənin neft ehtiyatlarının həcmi 1,85 milyon barel, benzin ehtiyatlarının həcmi isə 894 min barel artıb. Bu göstərici ilə bağlı keçirilən sorğuya qatılan analitiklər ehtiyatların 1 milyon barel azalacağını proqnozlaşdırırdılar.
Uzun fasilədən sonra ikinci həftə ard-arda ehtiyatların artması neftin bahalaşma tempini zəiflədib. Buna baxmayaraq, dünənki ucuzlaşmadan sonra qiymətlər yenidən artmağa başlayıb. Hazırda birjalarda “Brent” markalı neftin 1 bareli 62 dollardan satılır, Qərbi Texas nefti isə 55,37 dollara təklif olunur. İki marka arasında fərq yenidən artaraq 7 dollar səviyyəsinə çatmaqdadır.
Sabah ABŞ-da qaya nefti hasilatına cəlb olunan buruqların sayına dair növbəti hesabat açıqlanacaq. Bu həftə də buruqların sayının artacağı proqnozlaşdırılır.
Ayşən Əhməd
OXŞAR XƏBƏRLƏR
“Biz sevinirik ki, belə bir tədbir Qəbələdə keçirilir”
Prezident İlham Əliyev Dünya Güləş Birliyinin prezidentini qəbul etdi
Füzulinin Pirəhmədli kəndində quruculuq işləri davam edir
Günəş şüaları xərçəngə səbəb ola bilər? - Dermatoloqdan ŞOK XƏBƏRDARLIQ
İmişlidə Araz çayında FHN-in xilasetmə əməliyyatı
