Tramp: "Kral və vəliəhd nə etdiyini yaxşı bilir, tutulanlar ölkəni illərlə "sağıb"
ABŞ prezidenti Donald Tramp Səudiyyə Ərəbistanında start verilən kütləvi həbslərə münasibət bildirib. APA TV-nin məlumata görə, Ağ Ev rəhbəri bu barədə "Twitter" səhifəsində yazıb.
Dövlət başçısı krallıqda hər şeyin axarında getdiyini və yaxşı nəticələnəcəyindən əminliyini ifadə edib: "Mənim kral Salmana və vəliəhdə inamım böyükdür, onların atdığı addımlar səhv ola bilməz. Onlar nə etdiklərini hamıdan yaxşı bilir. Cəzalandırılanlar illərlə krallığı "sağıb".
Xatırladaq ki, kral Salman ibn Əbdül-Əziz Əl Səud noyabrın 4-də ölkədə korrupsiyaya qarşı mübarizə istiqamətində fərman imzalayıb. Dərhal hərəkətə keçən cavabdeh qurum ölkənin yüksək postlarında yer tutan bir qrup şəxsi həbs edib. Onların arasında kral ailəsinin 11 üzvü, 4 fəaliyyətdə olan və 10-dan çox keçmiş nazir var. Ümumiyyətlə, saxlanılanların sayı 40 nəfərdən çoxdur.
Qeyd edək ki, Donald Trampın baş müşaviri Cared Kuşner oktyabrın sonunda sürpriz şəkildə Səudiyyə Ərəbistanına səfər edib.
Elvin Bayramlı
OXŞAR XƏBƏRLƏR
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
Laçında kiçik biznes sahələrinə MEDİATUR TƏŞKİL OLUNUB
İlham Əliyev Qırğızıstana dövlət səfərinə gəlib | APA TV
Azərbaycan yardım qəbul edən dövlətdən, donor dövlətə çevrilib
