Eyyub Yaqubov Vaqif Əsədovun klipinə çəkildi
Uzun müddətdir mediada adı hallanmayan Eyyub Yaqubov nəhayət ki, göründü.
APA TV-nin məlumatına görə, o, “Mənə 100 il ömür arzulamayın” mahnısına çəkilən klipin təqdimatında iştirak edib. Bəstəkarı Elçin İmanov, sözləri Vahid Əzizə aid olan mahnını Vaqif Əsədov ifa edir.
Maraqlıdır ki, klipdə Eyyub Yaqubov çox az görünür. O, Vaqif Əsədovla uzun müddətdir dostluq etdiyini, bu səbəbdən klipdə çəkilməyə razılıq verdiyini bildirib: “Məsələ orada mənim görünməyim deyil. Mövzu ibrətamizdir. Mənə elə bir ömür arzulayın ki, başqalarına faydalı ola bilim”.
Çoxdandır görünməyən ifaçı gələcək planlarından da bəhs edib: “Hüseyn Cavidin “Şeyx Sənan” əsərindən muğam və cazın sintezindən ibarət kompozisiya üzərində işləyirik. Məni “Hicaz” qrupu müşayiət edəcək. Mikayıl Müşfiqin “Gecə düşüncəsi” şeirinə mahnı yazdırmaq fikrimiz var”.
O, mediadan qaçmasının səbəbini də açıqlayıb: “Qaçmıram. İş görüb sonra çıxmaq lazımdır. Yaradıcılıq plan doldurmaq deyil. Gec-gec görünüb, mənalı iş görmək tərəfdarıyam”.
Nigar Həsənli
OXŞAR XƏBƏRLƏR
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
Laçında kiçik biznes sahələrinə MEDİATUR TƏŞKİL OLUNUB
İlham Əliyev Qırğızıstana dövlət səfərinə gəlib | APA TV
