Kürd silahlıları daha bir bölgəni qoyub qaçdı - İRAQ ORDUSU İRƏLİLƏYİR
İraq ordusu ölkənin şimalında kürdlərin kompakt yaşadığı Ninova əyalətində bir neçə yaşayış məntəqəsini peşmərgədən təmizləyib.
APA TV-nin "Reuters"ə istinadən məlumatına görə, kürd silahlı qruplaşmaları mövqelərini döyüşsüz tərk edib.
Bundan əlavə hərbçilər Mosul yaxınlığındakı su anbarlarını nəzarətə götürüb. İraq ordusunun əməliyyatları davam edir.
Rəsmi Bağdad oktyabrın 14-dən - silahlı kürdlərdən ibarət 6 min peşmərgənin Kərkükə və mübahisəli ərazilərə yeridilməsindən iki gün sonra hərbi əməliyyatlara start verib. Ötən iki gün ərzində ordu Kərkük şəhəri də daxil olmaqla bir neçə yaşayış məntəqəsini, o cümlədən Sincarı döyüşsüz alıb.
Qeyd edək ki, sentyabrın 25-də Şimali İraq Kürd Muxtariyyətində keçirilən "müstəqillik referendumu"ndan sonra Bağdadla Ərbil arasında münasibətlər gərginləşib. İraq hökumətindən başqa qonşu Türkiyə, İran və Suriya da adı çəkilən "referendum"un nəticələrini tanımayacaqlarını bəyan edib.
Elvin Bayramlı
OXŞAR XƏBƏRLƏR
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
Laçında kiçik biznes sahələrinə MEDİATUR TƏŞKİL OLUNUB
İlham Əliyev Qırğızıstana dövlət səfərinə gəlib | APA TV
