Xaçmaz sakininin Saatlıdakı alveri baş tutmadı - POLİS QOYMADI
Saatlıda narkotik vasitələrin qanunsuz dövriyyəsi ilə məşğul olan şəxs saxlanılıb.
APA TV-nin Mil-Muğan bürosunun məlumatına görə, Xaçmaz rayon sakini, 54 yaşlı Orucağa Mirzalıyev ümumi çəkisi 3,5 kq olan narkotik vasitə olan qurudulmuş marixuananı Saatlıya gətirərkən polis əməkdaşları tərəfindən isti izlərlə saxlanılaraq istintaqa cəlb olunub. Külli miqdarda olan narkotik vasitə isə sənədləşdirilərək götürülüb.
İstintaq bölməsinin rəisi Əvəzağa Məmmədovun sözlərinə görə, təqsirləndirilən şəxs dindirilmə zamanı etiraf edib ki, həmin narkotik vasitəni Gəncədən istintaqa naməlum mənbədən əldə edərək, Saatlıya satış məqsədilə gətirib: "Hazırda faktla bağlı Cinayət Məcəlləsinin 234.4.3 - yəni narkotik maddənin satış məqsədilə külli miqdarda əldə etmə maddəsi ilə cinayət işi başlanmış və istintaq aparılır. Orucağa Mirzalıyev barədə həbs-qətimkan tədbiri seçilib və onun narkotik vasitənin haradan əldə etməsi barədə əməliyyat istintaq tədbirləri davam etdirilir".
Qeyd edək ki, Orucağa Mirzalıyev müxtəlif cinayətlər üzrə əvvəllər də məhkumluq həyatı yaşayıb. Hazırda faktla bağlı araşdırmalar aparılır.
Vəli Turan
OXŞAR XƏBƏRLƏR
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
Laçında kiçik biznes sahələrinə MEDİATUR TƏŞKİL OLUNUB
