ABŞ Türkiyə vətəndaşlarına viza vermək istəmir: "Yenidən nəzərdən keçirəcəyik..."
ABŞ-ın Ankaradakı səfirliyi, səfirlik və konsulluqlarda viza üçün müraciətlərin sayının minimuma endirilməsi məqsədi ilə Türkiyədəki bütün ABŞ diplomatik missiyalarında qeyri-miqrant viza xidmətlərini dayandırdığını açıqlayıb. APA TV "Anadolu" agentliyinə istinadən xəbər verir ki, bu barədə səfirlikdən açıqlama yayılıb.
"Son zaman yaşanan hadisələr ABŞ hökumətini Türkiyənin, ABŞ-ın diplomatik missiya və işçilərinin təhlükəsizliyi ilə bağlı öhdəliklərini yenidən nəzərdən keçirməyə məcbur etdi", - deyə ABŞ-ın Ankara səfirliyindən yayılan yazılı məlumatda bildirilir.
Açıqlamada viza ilə bağlı tətbiq edilən bu məhdudiyyətlərin bəhsedilən "yenidən nəzərdən keçirmə" prosesi müddətində qüvvədə olacağı da qeyd edilir.
Qeyd edək ki, ABŞ-ın İstanbuldakı Baş Konsulluğunun əməkdaşı Metin Topuz FETÖ ilə əlbir olmaqda təqsirli bilinərək həbs edilib. Viza probleminin buradan qaynaqlandığı istisna edilmir.
Apa.tv
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
