Pentaqon: Rusiya-İran-Suriya koalisiyası İŞİD-i məhv etmək gücündə deyil
"Rusiya, İran və Suriyanın İŞİD-i məhv etməyə gücü yoxdur". APA TV-nin Rusiya mətbuatına istinadən məlumatına görə, bu açıqlama ilə Pentaqon nümayəndəsi Erik Pexon çıxış edib.
O, bu açıqlamanı Rusiya Müdafiə Nazirliyinin nümayəndəsi İqor Konaşenkovun "ABŞ-ın hərbi bazaları İŞİD üçün sığınacaqlara və Suriya ərazisinə rahat keçid məntəqələrinə çevrilib" ittihamına cavab olaraq səsləndirib.
Onun sözlərinə görə, rus generalının bəyanatı gerçəkliyi əks etdirmir: "Onlar İŞİD-lə sona qədər bacara bilməyəcək. Əldə edilən uğurlar müvəqqətidir, adı çəkilən tərəflər yalnız kiçik əraziləri terrorçulardan təmizləyə bilib".
Pexon iddia edib ki, İŞİD-ə ən böyük zərbə məhz ABŞ və onun müttəfiqləri tərəfindən vurulur.
Xatırladaq ki, general İqor Konaşenkov son iki ildə beynəlxalq koalisiyanın İŞİD-lə mübarizəsi nəticəsində Suriya ərazisinin 90 faizinin terrorçuların əlinə keçdiyini bildirib. Rusiya və Suriya hərbçilərinin müştərək əməliyyatları nəticəsində isə həmin ərazilərin 80 faizinin geri alındığı iddia olunur.
Fərid Rəsulov
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
