Neftçala sakinindən 4 kq narkotik götürüldü
Neftçala sakinindən külli miqdarda narkotik götürülüb.
APA TV-nin Mil-Muğan bürosunun xəbərinə görə, Neftçala Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində rayonun Mikayıllı kənd sakini, 1975-ci il təvəllüdlü Kərimov Həsən İbrahim oğlu şübhəli şəxs qismində saxlanılıb.
Onun üzərindən və atası Kərimov İbrahimə məxsus maşının yük yerindən 4 ədəd kibrit qutusuna qablaşdırılmış narkotik vasitə olan qurudulmuş marixuana aşkarlanaraq götürülüb. Bundan əlavə, Həsən Kərimovun yaşadığı Mikayıllı kəndindəki evə baxış keçirilən zaman dəmir qabda və 8 ədəd kibrit qutusunda, eləcə də həyətyanı sahədə əkilmiş tərəvəz kollarının arasında müxtəlif bankalarda qurudulmuş marixuana aşkar edilərək götürülüb. Ümumilikdə Həsən Kərimovdan ümumi çəkisi 3 kiloqram 730 qram qurudulmuş marixuana və 2,7 qram tiryək aşkar edilərək götürülüb.
İki uşaq atası olan Həsən Kərimov əvvəllər də narkotik vasitələrin qanunsuz dövriyyəsinə görə məhkumluq həyatı yaşayıb.
Faktla bağlı Neftçala Rayon Polis Şöbəsində araşdırma aparılır.
Əlibəy Zeynallı
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
