İstirahət günlərində hava necə olacaq? - PROQNOZ
Yaxın üç gün ərzində Bakıda və Abşeron yarımadasında mülayim, yağmursuz hava şəraiti müşahidə olunacaq.
Proqnozlar Bürosunun şöbə rəisi Fərqanə Həsənova APA TV-yə açıqlamasında bildirib ki, mülayim cənub küləyi əsəcək. Havanın temperaturu ötən günlərə nisbətən tədricən yüksələcək: “Hava dəyişkən buludlu olacaq. Əsasən yağmursuz hava şəraiti müşahidə olunacaq. Lakin gecə saatlarında yarımadanın bəzi yerlərində çiskinli yağış yağacağı ehtimal olunur. Havanın temperaturu gündüz 18-23 dərəcə isti olacaq. Bölgələrdə də əsasən yağmursuz hava müşahidə olunacaq. Şərq küləyi əsəcək”.
Oktyabrın 9-a qədər Abşeron yarımadasında havanın mülayim və zəif tərəddüdü meteohəssas insanlar üçün əsasən əlverişlidir.
Bölgələrə gəlincə, Azərbaycanın rayonlarında hava şəraitinin əsasən yağmursuz keçəcəyi gözlənilir. Səhər bəzi yerlərdə duman olacaq. Şərq küləyi əsəcək, ayrı-ayrı yerlərdə arabir güclənəcək. Havanın temperaturunun gecə 7-12, gündüz 17-22 dərəcə isti, dağlarda gecə 1-5, gündüz 7-12 dərəcə isti olacağı gözlənilir.
Qeyd edək ki, oktyabr ayında havanın orta aylıq temperaturunun iqlim normasına yaxın olacağı gözlənilir.
Nigar Həsənli
OXŞAR XƏBƏRLƏR
“Bu gün 50 milyondan çox insan üçün Azərbaycan dili ana dilidir” I APA TV
Lüğətimizdə yeni mərhələ: süni intellektdən istifadə olunur I APA TV
Qırğızıstanda “Baku Resort & Spa” mehmanxanasının açılışı oldu | APA TV
İlham Əliyevə 1-ci dərəcəli “Manas” ordeni təqdim edildi
İlham Əliyevin Çolpon-Ata şəhərində rəsmi qarşılanma mərasimi olub
